Biography Of Rupnath Brahma|रुपनाथ ब्रह्मनि जिउखौरां

गिबियावनो नोंथांमोननिसिम आंनि बे career guide in bodo ब्लागआव बरायनाय जाबाय।दिनै जों नोंथांमोननि थाखाय Biography Of Rupnath Brahma|रुपनाथ ब्रह्मनि जिउखौरांनि बागै मोनसे आरटिकल लानानै फैदों।आसा खालामो नोंथांमोन एसेब्लाबो मदद मोनगोन।

Biography Of Rupnath Brahma

रुपनाथ ब्रह्मआ क'कराझार सहर साखाथियाव थानाय औवाबारि गामिनि मोनसे धोनि नख'राव इं 1902 माइथायाव जोनोम मोनदोंमोन। बिथांआ धुबुरि हाइस्कुलाव फरायनानै, बेनिफ्राइ मेट्रिक आनजादखौ उथ्रिनानै कटन कलेजाव फरायहैदोंमोन।बेनि उनाव बिथाङा इं 1925 माइथायाव बि.ए. दिग्रि लादोंमोन। बिथांआ इं 1927 माइथायाव कलिकाता मुलुग सोलोंसालिनिफ्राय Law Degree लादोंमोन। जोंनि बर'फोरनि गेजेराव Law Degree लानानै Graduate जानाय बिथांआनो गिबिमोन। बिथांआ सिगाङाव धुबुरि Court आव Legal Practice खालामहैदोंमोन।आसाम एसेमब्लिनि बिसायख'थियाव देरहानानै इं 1937 निफ्राय 1967 सिम गोलाव सम एम.एल.ए. आरो उनाव मन्थ्रि जादोंमोन।लक' सभा बिसायख'थियाव देरहानानै एम.पि. जादोंमोन।इं 1968 माइथायाव बिथांआ रुंसारि जादोंमोन।

रुपनाथ ब्रह्म बिथांआ गुरुदेब कालिचरन ब्रह्मनि हेफाजाबगिबिमोन। गुरुदेबनि बर'नि पान्डुलिपि रनसाइनायाव बिथांआ गोख्रों हाबाफारि लादोंमोन। बिथांआ बर' माहारियारि फोसाबनाय हाबाफारियाव नांथाब नाजादोंमोन। बिथांआ बर' हारिमुखौ जोबोर मोजां मोनोमोन। बिथांआ ट्राइबेल लिग आरो उनाव ट्राइबेल संघ'नि सोद्रोमामोन। बिथांनि नांथाब नाजानायावनो बर' हारिमु आफादा दिल्लियाव जानाय इं 1956 नि 'गनतन्त्र' सान-खुंनायाव बर' हारिमुनि आयदाखौ दिन्थिनो हादोंमोन।आसाम संगित नाटक एकाडेमि गाइसनग्रानि मादाव बिथांआबो सासेमोन।

थुनलाइ सोरजिनाय

रुपनाथ ब्रह्म बिथांआ बर'नि गिबि खन्थाइ बिजाब मेथायखौ मदाराम ब्रह्मजों लोगोसे सुजुनानै दिहुननायनिफ्राय बिथांनि थुनलाइ सोरजिनाया जुरिजेनदोंमोन। बिथांनि खन्थायफ्रा अबंलावरिखौ सिबिनाय। बिथांनि खन्थायफोरखौ गाहायाव होनाय जाबाय-

1. मोनहा‌ स'यै हौया,
2. इसोरनियाव बिनाय
3. आफा‌‌ गजं (गोजों)
4. इसोरनि नाम
5. थैनायखौ मानो हरो
6. आंनि दाबुं आफा
7. सोरखौ नोंसोर मालाय सानदों?

बिथांआ बांला, असमीया आरो इंराजिआवबो रायथाय लिरदोंमोन। बेफोरखौ गाहायाव मख'नाय जाबाय -

1. Boro Kacharies
2. बर' जातिर संज्ञिप्त परइसय (Assamese)
3. बर' कछारि जातिर स'मन्दे (Assamese)

बिथांआ बांलायाव दावबायनाय लिरबिदां लिरदोंमोन।बे दोंनै खन्थाया जाबाय-

1. मिलन संगित
2. आहबान 

बिथां रुपनाथ ब्रह्मनि बांसिन रायथाया बर'हारिमुनि सोमोन्दैमोन। रुपनाथ ब्रह्म बिथांआ बर' छात्र सन्मिलननि गाहाइ नेहाथारिमोन।बे बर' फरायसा आफादानो 'बिबार' लाइसिखौ दिहुनदोंमोन।