थाइजा आरो बिदिन्थानि बाहायनाय:

गिबियावनो नोंथांमोनखौ जोंनि केरियार गाइड इन बड' ब्लागआव बरायनाय जाबाय। दिनै जों सावरायगोन थाइजा आरो बिदिन्थानि बागै। 

सोंनाय :-थाइजा माखौ बुङो? थाइजानि बिदिन्था माखौ बुङो?

फिननाय :जाय सोदोबा माबा हाबा मावनाय एबा जानाय फोरमायो बेखौनो थाइजा बुंङो। जेरै- जा,फै,थां,माव,बुं बायदि बायदि। 

जाय सोदोबा जायखि-जाया थाइजानि हाबा मावनायनि सम एबा बोथोरखौ फोरमायनायानो थाइजानि बिदिन्था। जेरै-मोसौआ गांसो जागासिनो दं, राजुआ बल गेलेयोमोन।

थाइजानि बिदिन्थाखौ मोनथाम गुवार बाहागोआव राननो हायो। बेफोरखौ गाहाइयाव होनाय जाबाय -

क) जाफु थाइजा (Present Tense)- आं ओंखाम जायो। 

ख) जाखां बिदिन्था (Past Tense) -आं ओंखाम जादोंमोन। 

ग) इयुन बिदिन्था (Future Tense) -आं ओंखाम जागोन। 

गोजौनि बेफोर बिदिन्थाफोरखौ मोननै मोननै बाहागो खालामनानै गुवारै सावरायनो हायो। जेरै-

"जाफु बिदिन्था "

क) अराय जाफु बिदिन्था - {ओ} - {-यो, - वो, -ङो }

ख) दा जाफु बिदिन्था - गासिनो दं

"जाखां बिदिन्था "

क) खाथि जाखां बिदिन्था - {- बाय}

ख) गोजान जाखां बिदिन्था - {- दोंमोन /- मोन}

"इयुन बिदिन्था"

क) खाथि इयुन बिदिन्था - {- नोसै}

ख) गोजान इयुन बिदिन्था - {- गोन}

TET आनजादाव फैथावना सोंनाय फिननाय (TET aanjadao fwitaona swngnai finnai) -

1)"थेमोना ओंखामा जायो " बे बाथ्राया दं -

क) अराय जाफु बिदिन्था 

ख) दा जाफु बिलिन्था 

ग) खाथि जाखां बिदिन्था 

घ) खाथि इयुन बिदिन्था 

फिननाय : क

2)गाहायाव होनाय बबे बिदिन्थाया थि समखौ खिन्थानो हाया -

क) जाखां बिदिन्था 

ख) जाफु बिदिन्था 

ग) इयुन बिदिन्था 

घ) गोजौनि मोनसेबो नंङा 

फिननाय :ग

3){- नोसै} दाजाबदाखौ दाजाबनाय जायो -

क) गोजान जाखां बिदिन्थाजों

ख) खाथि जाखां बिदिन्थाजों

ग) खाथि इयुन बिदिन्थाजों

घ) गोजान इयुन बिदिन्थाजों

फिननाय :ग

4)"साना सानजाहा ओंखारो " बे बाथ्राया दं-

क) जाफु बिदिन्था 

ख) दा जाफु बिदिन्था 

ग) अराय जाफु बिदिन्था 

घ) गोजौनि मोनसेबो नंङा 

फिननाय :ग

5)"आं ओंखाम जानोसै" बेनि बिदिन्थाया -

क) गोजान इयुन बिदिन्था 

ख) इयुन बिदिन्था 

ग) खाथि इयुन बिदिन्था 

घ) गोजौनि मोनसेबो नंङा 

फिननाय :ग

6)गोजान इयुन बिदिन्थानि बिदिन्थिया -

क) आं ओंखाम जानोसै

ख) आं ओंखाम जाबाय 

ग) आं ओंखाम जागोन 

घ) आं ओंखाम जायो

फिननाय :ग

7)"गथ'वा उन्दुगासिनो दं " बे बाथ्राया -

क) खाथि इयुन बिदिन्था 

ख) दा जाफु बिदिन्था 

ग) जाफु बिदिन्था 

घ) अराय जाफु बिदिन्था 

फिननाय :ख

8) खाथि जाखां बिदिन्थानि बिदिन्थिया -

क) आं बिजाब फरायगोन 

ख) आं बिजाब फरायबाय 

ग)आं बिजाब फरायखांबाय 

घ) आं बिजाब फरायदोंमोन 

फिननाय :ग

9)बिदिन्थाया गासै मोन -

क) ब्रै

ख) नै

ग) थाम

घ) द'

फिननाय: ग

10)गाहायनि बबे खाथि इयुन बिदिन्थानि बिदिन्थि -

क) आं बिजाब फरायनोसै 

ख) आं बिजाब फरायगोन

ग) आं बिजाब फरायो 

घ) आं बिजाब फरायदोंमोन 

फिननाय :क

11)थाइजानि हाबा मावनायनि समखौ जाय फोरमायो बेनो -

क) थाइजानि बिदिन्था 

ख) जाफु बिदिन्था 

ग) जाखां बिदिन्था 

घ) इयुन बिदिन्था 

फिननाय :क

12)गोजान इयुन बिदिन्थाखौ दाजाबनाय जायो -

क) - गोन

ख) -मोन

ग) - नोसै

घ) - बाय

फिननाय :क

13)मोनफ्रोम बिदिन्थाखौ बाहागो खालामनाय जायो :

क) मोनद' 

ख) मोनबा

ग) मोनथाम 

घ) मोननै 

फिननाय :घ

14)अराय जाफु बिदिन्थाखौ दाजाबनाय जायो -

क) - ओ

ख) - मोन

ग) - गासिनो दं 

घ) - गोन

फिननाय :क

15)इयुन बिदिन्थानि मोनफ्रोम हाबायानो -

क) दासो जागासिनो दं बोथोरखौ फोरमायो

ख) सिगाङाव जाना जोबनायखौ फोरमायो 

ग) जागोन जाया थि बुंनो हाया 

घ) मैयासो जाना थांबाय बे बाथ्राखौ फोरमायो 

फिननाय :ग

गुबुन आयदा फरायनो गाहाइनि लिंकआव थु:

👉 निलकमल ब्रह्मनि जिउखौरां