Biography Of Ishan Chandra Muchahari

Biography Of Ishan Chandra Muchahari
(ईसान चन्द्र मसाहारिनि जिउखौरां):

बिथांङा कक्राझार जिल्लानि थुरिबारि गामियाव 1915 मायथाइयाव जोनोम मोनदोंमोन। कमलसिं गुदि फरायसालिखौ फरायना धुबुरि गोजौ फरायसालियाव फरायनानै मेट्रिक आनजाद उथ्रिदोंमोन। बेनि उनाव एलाहाबाद एग्रिकालसार कलेजाव फरायहैदोंमोन। बिथांङा फरायसा समावनो जुलि जादोंमोन। नाथाय दुखुनांथाव बाथ्रा बिथांङा एलाहाबादाव फरायबाय थानाय समावनो इं 1940 मायथायाव टाइफयेद बेरामाव गोग्लैनानै रुंसारि जादोंमोन। बिथांङा प्रमद चन्द्र ब्रह्म आरो जगेन्द्रमोननि समरा समब्रिमोन। बिथांङा अलंबार मुगानि देरसिन रमान्टिक खन्थाइगिरिमोन।बिथांङा सनानि माला आरो फामि मुंनि गांनै खन्थाइ बिजाब सोरजिलांदोंमोन।बिथांनि सनानि माला खन्थाइ बिजाबनि खन्थाइफोरखौ फुकन चन्द्र बसुमतारिया थरफा थरफा सना फिथरजों रुजुनानै सावरायदोंमोन। बिथांनि खन्थाइफोराव मिथिंगा मोजां मोननाय आरो गोसो थोनायनि सानस्रिफोरा रोखायै बेरखांदोंमोन। इं 1940 मायथाइयाव प्रमद चन्द्र ब्रह्मआ सुजुना दिहुननाय अलंबार मुंनि लाइसिआव ईसान मसाहारिया आबारि मुंनि दोंसे सुंद' सल' लिरनानै फोसावदोंमोन।बिथांनि लिरनाय सुंद' सल'आनो बर' थुनलाइनि गिबिसिन सुंद' सल' बिजाबनि सोरजि।