मनरन्जन लाहारिनि जिउखौरां (Biography of Manoranjan Lahari):

दिनै जों सावरायगोन मनरन्जन लाहारिनि जिउखौरांनि बागै।

मनरन्जन लाहारि बिथांङा अलंबार मुगानि राफोद लिरगिरि आरो थुनलाइ सोरजिगिरि।बिथांङा इं 1936 मायथाइनि 1 फेब्रुवारियाव बामनकुरा गामियाव जोनोम जादोंमोन।बिथांनि बिफानि मुंङा बसन्त कुमार लाहारि आरो बिमानि मुंङा देउबारि लाहारिमोन।बिथांङा इं 1981 मायथाइयाव कक्राजार बि.टि. कजेलनि प्रिन्सिपाल जादोंमोन।इं 1984 मायथाइयाव दानाय बर' रेबग्रा आफादनि गायसनगिबि आफादगिरि जानानै बिथांङा हारि सिबिनाय आरो राव थुनलाइ जौगाहोनायाव गावखौ बावसोमदोंमोन।बिथांङा गोबां खन्थाइ ,रायथाइ,फावथिना ,सल'आरि बायदि रोखोमनि बिजाब रेबनानै बर' थुनलाइ फौजौनायाव गोहोम आरो बिहोमा होबोदोंमोन।